10/02/2017

Vista Alegre, a proba ante o líder

Vista Alegre, a proba ante o líder

Vista Alegre completará mañá outra Fin de Semana Laranxa coa visita do Atlético de Madrid (18.30 horas), que recalará na Mariña na 17ª xornada imbatido e liderando a táboa de Primeira RFEF, para brindar máis emoción aos sempre espectaculares duelos entre laranxas e branquivermellas.



Nunha das grandes citas da tempada, as mariñás intentarán dar continuidade ao bo inicio de 2017 na cuarta praza, cumprindo coa quinta vitoria consecutiva, malia a complexidade do compromiso: “Sabemos que son as favoritas, están imbatidas e dispoñen dun cadro moi amplo, pero o noso equipo vai dalo todo para poñérllelo moi difícil, sendo fortes en defensa e aproveitando as nosas oportunidades en ataque. O Atlético levará o peso do partido pero nós tamén imos crear perigo e será aí onde non temos que fallar para ter opcións no partido” explicaba Iván Cao, Lucas, esta mañá tras o último adestramento da semana. “Temos que traballar por un marcador curto, como nos últimos enfrontamentos contra elas, e ter fortuna na finalización” puntualizaba o mariñán; así se viviu a cita de La Estación, cun axustado 2-1 para as locais.



“O público sabe o partido que nos espera e vai estar aí, apoiándonos coma sempre. Os encontros entre Navalcarnero e Pescados Rubén xa son case un derbi, pola rivalidade das últimas tempadas, e mañá vai volver ser un partido moi bonito para o público” adiantaba o técnico, agradecendo o respaldo incondicional da Bancada Laranxa.



Lucas e Julio Delgado non terán ausencias, aínda que o vestiario mariñán chega ao espectacular duelo con molestias en varias xogadoras.



Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira



Chocolatada



Para adozar o gran duelo, a afección de Vista Alegre poderá gozar dunha deliciosa merenda de chocolate con churros a prezos populares, desde as 17.30 horas. Durante o descanso, haberá un partido da categoría prebenxamín.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.