19/02/2017

Reparto de puntos nun vibrante duelo en Los Cantos

Reparto de puntos nun vibrante duelo en Los Cantos
Crónica. Gustavo Voces. ACFSF

Competido encontro entre o AD Alcorcón e Pescado Rubén Burela co que se pechaba a xornada ligueira en Primeira División. O choque comezou con gran equilibrio sobre a cancha, aínda que, o combinado lucense conseguía adiantarse aos tres minutos de xogo, por mediación de Dany, culminando unha veloz contra da escuadra laranxa. Luján e Vadillos con remates de media distancia probaban sorte para as alfareiras en busca dunha igualada que non chegaba, mentres o Pescados Rubén Burela seguía fiando a súa sorte á definición da brasileira Dany para crear perigo constante á zaga amarela. O primeiro acto concluía cunha ocasión local en forma de falta directa que salvaba Jozi.

Ao pouco da reanudación, Vadillos estrelaba un remate ao pau nunha clara ocasión para o Alcorcón. A igualada chegaba aos 30 minutos de xogo, obra de Ana Rivera, que resolvía na frontal do área de tiro cruzado ante a brasileira Jozi. A máis de sete minutos da conclusión o Burela optaba polo xogo de cinco en busca da vitoria no partido.

A cinco do final, Shiori facía bo o xogo de cinco para poñer o 1 a 2 a favor do conxunto galego. O Alcorcón facía o propio co xogo de cinco no tramo final para conseguir a igualada por mediación de Vane Sotelo a menos de dous minutos para o final, logo dun disparo á madeira de Desi pouco antes. Tralo empate a dous e un pertinente tempo morto, o Burela volvía apostar polo xogo de cinco, pero nin unhas nin outras conseguirían transformar en gol as súas chegadas nun desenlace de partido máis que emocionante.

Ficha técnica

AD Alcorcón: Belén, Vadillos, Anita Luján, Ana Rivera, Isa García -cinco inicial- Vane Sotelo, Irene, Dessiré, Stela, Clara.

Pescados Rubén Burela FS: Jozi, Dany, Bea Mateos, Cilene, Shiori -cinco inicial- Silvia, Judith, Sofía, Lara, Elvira.

Goles: 0-1, m.3, Dany; 1-1, m.30, Ana Rivera; 1-2, m.35, Shiori; 2-2, m.37, Vane Sotelo.

Árbitros: Guzón Torrijos, Jiménez de Santiago.

Incidencias: Partido correspondente á xornada 18 da Primeira División. Disputado no pavillón de Los Cantos de Alcorcón.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.