28/03/2017

Osíxeno para Vista Alegre

Osíxeno para Vista Alegre

Vista Alegre nunca se rende e así o demostrou esta noite impoñéndose ao Catgas Energía FS (5-3) na súa gran pugna por manterse entre os mellores. A actitude e desgaste físico dos laranxas, arroupado pola Bancada Laranxa, atoparon por fin hoxe a súa merecida recompensa nunha cita na que os de Tomás de Dios levaron a batuta no marcador, con 2-0 ao descanso e chegando ata a dispoñer dunha vantaxe de 5-1 no último minuto. O Pescados Rubén Burela FS, cunha dose moi necesaria de osíxeno, volverá á liga o sábado, na pista do Aspil Ribera Navarra FS, ás 18.30 horas.



No 17, Iago Rodríguez puxo a rúbrica a unha das súas filigranas, revolvéndose na banda para cruzar ao segundo pau; antes o tándem dos Iago (minuto 7), Renato (minuto 9), nun roubo, e Hélder (13), ante un erro de Dani Salgado, intentárano. Menos dun minuto despois do 1-0 Bellvert ampliou a renda cun canonazo tras a amarela que viu Corvo preto da área de Santa Coloma sobre o 18 laranxa.



Isi, no 22, e José Carlos, no 23, protagonizaron as primeiras grandes ocasións para os de Tomás de Dios, dispostos a 'morrer' na pista como xa advertira horas antes do encontro o 7 burelista. Precisamente, o andaluz viu a segunda amarela pouco antes de cumprir a medianía do segundo acto e foi entón cando os visitantes aproveitaron a inferioridade mariñá para reducir distancias, co ex do Burela Javi Rodríguez. Aceleraron o ritmo os de Santa Coloma, con boa reacción de contención nas filas galegas, intentando sorprender á contra, con óptimas accións, para marcar máis as distancias. A falta de catro minutos, Sepe puxo a camiseta de porteiro xogador para ir a pola remontada. Pero, Vista Alegre deixou de manifesto unha vez máis que nunca se rende; a defensa laranxa saíu airosa da súa área cun balón que cazou Bellvert coándoo a porta baleira desde a pista galega (minuto 37). Buscaron a rede sen custodia unha e outra vez os de Tomás; logo das tentativas infrutuosas de Míguez e Bellvert, foi o propio 18 laranxa o que anotou cuarto para o desenfreo da Bomboneira. O quinto chegou nos pés de Iago Rodríguez, nun mal saque de Dani Salgado. O Catgas puxo máis emoción á máis que merecida vitoria mariñá no último minuto co 5-2 en propia porta de Edu, desde córner, e co definitivo 5-3 a falta de 4 segundos, de novo nas zapatillas de Javi Rodríguez.




Ficha técnica
Pescados Rubén Burela FS:
Edu, Iago Míguez, Isi, Renato, José Carlos -cinco inicial- Iago Rodríguez, Hélder, Antoñito, Bellvert, Carlitos, Cuco
Catgas Energía FS: Prieto, Pablo, Dani Salgado, Sepe, Maxi -cinco inicial- Corvo, Sergio, Javi Rodríguez, Lucas, David, Eric



Goles: 1-0, minuto 17, Iago Rodríguez; 2-0, minuto 18, Bellvert; 2-1, minuto 30, Javi Rodríguez, 3-1, minuto 37, Bellvert; 4-1, minuto 39, Bellvert; 5-1, minuto 40, Iago Rodríguez; 5-2, minuto 40, Edu (p.p.), 5-3, minuto 40, Javi Rodríguez



Árbitros: Contreras Tejedor // Pérez Álvarez (Castela e León). Por Burela amarela para Isi (minuto 8 e 29), José Carlos (minuto 19), Bellvert (minuto 26), Iago Míguez (minuto 4). Por Catgas amarela a Corvo (minuto 18), David (minuto 22)



Incidencias: Partido correspondente á xornada 26 de Primeira División LNFS disputado no pavillón Vista Alegre, coa presenza do seleccionador nacional, José Venancio López Hierro. Arredor de 800 espectadores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.