04/05/2017

Catro promesas laranxas no nacional de Salou

Catro promesas laranxas no nacional de Salou

O Campionato Nacional de Seleccións Autonómicas que se disputará esta semana en Salou contará cunha variada representación do Pescados Rubén Burela FS. Catro serán as promesas laranxas presentes na cita; con Galicia Xuvenil participarán Néstor Valle ‘Nito’, Edmilson Monteiro e Christian Rivas, actuais campións de liga de División de Honra; e con Galicia Sénior irá convocada a novísima ribadense Sofía Vázquez.



Ambas as expedicións partirán esta noite para estrearse mañá no campionato que tamén acollerá a competición de Sénior Masculino, baixo a organización da Confederación Nacional de Fútbol Sala.



O combinado irmandiño xuvenil, ás ordes dos tamén burelistas Juanma Marrube e Christian Fustes, disputará a primeira fase con Baleares (venres 5, 16.00 horas) e Valencia (sábado 6, 16.30 horas), no Grupo A. Andalucía, Castela e León, Cataluña e Murcia conformarán o Grupo B.



Galicia Sénior Feminina compartirá o Grupo A con Baleares (venres 5, 18.00) e Castela e León (sábado 6, ás 11.30 ou 18.30, dependendo se perde ou gaña o partido do venres). Andalucía, Cataluña e Valencia formarán o outro grupo.



As fases finais disputaranse o domingo pola mañá.



 



Ligazón Horarios Xuvenís



 



Ligazón Horarios Sénior Feminino

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.