Os alas Pope e Colacha chegan a Burela cedidos dende Palma Futsal
O catalán Sergi Orgilles Saiz, Pope (Barcelona, 1996), e o andaluz José A. Luna Guijarro, Colacha (Córdoba, 1998), defenderán a elástica do Pescados Rubén Burela FS en 2017-18. Os novos alas chegan á Mariña cedidos por unha tempada desde o Palma Futsal, de Primeira División.
Internacional Sub-19 con España, José Colacha, despois de medrar na estrutura de base de CD Menciana e Ategua, asinou por Palma en 2015. Pola súa banda, Pope, formado nas categorías de base de Manacor, deu o salto ao equipo sénior en 2013; tamén militou nas filas de Naturpellet Segovia (2015-16) e FSD Puertollano e Palma, no último exercicio.
Cos xogadores procedentes do club insular, xa son 5 as incorporacións ao proxecto laranxa de 2017-18 que liderará Juanma Marrube, xunto ao salmantino Chus Blázquez, desde Naturpellet Segovia, ao viveirense Sergio Cora e ao madrileño Víctor López, desde Cagliari Futsal.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.