24/08/2017

Judith: 'Temos un equipo máis completo'

Judith: 'Temos un equipo máis completo'

A novísima Judith Pedreira Arias (A Coruña, 1998) afronta os inicios da que será a súa terceira campaña na Mariña co seu sorriso eterno. Xunto ao presidente, Manuel Blanco, e o directivo Rubén Blanco, a ala-peche mostrouse exultante ao falar das virtudes e das metas do proxecto burelista: “É un equipo máis completo ca o ano pasado; hai incorporacións e máis rotacións. É moi importante que se manteña o bloque, tanto do corpo técnico coma de xogadoras, porque xa coñecemos as bases do xogo; ademais as novas incorporacións veñen pisando forte e esperemos que nos poidan axudar moito a seguir conseguindo títulos e cousas grandes no club”.



Para a 15 laranxa, aos 18 anos, só afloran sentimentos positivos na continuidade da súa etapa no Pescados Rubén, “con moitísima máis ilusión ca o primeiro ano, con moitas ganas de facer algo grande co equipo e de seguir aprendendo e mellorando individualmente”. “Espero ter sorte e ter minutos; sei que teño que gañalos” explicaba Judith.




Rumbo a Viana do Castelo



A expedición laranxa porá rumbo a terras lusas mañá pola mañá, ás 8.30 horas para disputar xa pola noite o II Torneo Internacional Cidade Viana do Castelo, xunto a Sport Lisboa e Benfica, VV Pernis, Poio Pescamar e Santa Luzia Futebol Clube (pavillón Monserrate). O cadro mariñán pechará a fin de semana en Marín, cun amigable fronte ao Fisgón, de Segunda División (20.00 horas). “Será unha fin de semana con 4 partidos en 3 días. O torneo de Portugal vai ser duro, dun nivel moi alto, pero afrontámolo con moitas ganas porque será a base da nosa pretempada e así podemos seguir mellorando e aprendendo dos erros, que será o fundamental para comezar a tempada”, adiantaba Judith.



 



O torneo luso poderá seguirse endirecto por streaming: Canal da Sportflash TV no YOUTUBE (ligazón):



 



Venres 25 de agosto. Torneo Viana do Castelo (Horario portugués)



21.00 horas: Poio Pescamar-Sport Lisboa e Benfica (ligazón streaming)
22.00 horas: VV Pernis-Pescados Rubén Burela FS (ligazón streaming)




Sábado 26 de agosto. Torneo Viana do Castelo (Horario portugués)



10.30: Santa Luzia-VV Pernis
11.30 horas: Pescados Rubén Burela FS-Poio Pescamar FSF
16.00 horas: Santa Luzia-Sport Lisboa e Benfica
17.30 horas: 3º-4º clasificado
18.30 horas: Final



Domingo 27 de agosto. Amigable en Marín



20.00 horas: O Fisgón-Pescados Rubén Burela FS (pavillón A Raña)

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.