06/10/2017

As laranxas defenden a primeira praza en La Estación

As laranxas defenden a primeira praza en La Estación
Chega a 4ª xornada de Primeira Divisón RFEF co duelo por excelencia. O sábado, o Pescados Rubén Burela FS defenderá a primeira praza na pista do Atlético de Madrid Navalcarnero (La Estación, 18.30 horas). “sempre son partidos moi emocionantes que nos gustan a todas as xogadoras, sobre todo na situación na que estamos. Temos que seguir traballando na mesma liña e intentar defender o liderado”, explicaba Lara Balseiro.

“Non estamos máis preocupadas do habitual, en cada xornada; o traballo da semana foi o mesmo, estudando o rival e tratando de atacar as súas debilidades. Non se pode obviar que é un gran equipo e que é o actual campión de liga pero agora mesmo nós somos líderes e ímoslles a dar moito que facer”, incidía Lara sobre a vantaxe de 3 puntos as mariñá sobre as madrileñas, que sucumbiron ao Roldán na segunda xornada, para o espectacular envite.

“Será un encontro como todos os nosos duelos; un partido moi competido, que non se decida ata o final e onde cada detalle conte. É clave a concentración nos corenta minutos; somos conscientes e vivimos a experiencia recentemente porque nas dúas últimas xornadas o partido non se decidiu ata o último minuto. Creo que esta xornada non vai ser unha excepción”.

O afán de superación e o traballo ben feito como principal meta son os responsables deste cumio temperán, desde a perspectiva de Lara: “Estamos traballando ben e aínda que hai incorporacións, as xogadoras estanse adaptando rápido. Non imaxinaba estar na primeira praza tan rápido pero creo que isto só é froito do traballo e por iso debemos estar contentas.

O que intentamos en cada adestramento é mellorar o noso xogo día a día e os resultados estannos axudando” reflexionaba a viveirense, confesando o seu bo momento: “Atópome ben, con confianza, participante bastante e axudando ao equipo”.

Julio Delgado e Lucas non poderán contar con Tai, que sufriu unha fractura da falanxe proximal do quinto dedo da man dereita durante a sesión de adestramento do mércores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.