03/11/2017

Sofía: 'Espero dar máis de min en Móstoles'

Sofía: 'Espero dar máis de min en Móstoles'

As pupilas de Julio Delgado e Lucas pecharán a xornada 8 de Primeira RFEF o domingo ás 12.30 coa visita á pista do Móstoles FSF, un rival que espera ao Pescados Rubén Burela FS na oitava praza (10 puntos) e con ganas de recuperar a vitoria, tras tres semanas sen puntuar.



Villafontana poñerá a proba ás mariñás, que defenden a segunda praza (18 puntos), a tan só 1 punto do liderado, do Jimbee Roldán. “Foi unha boa semana; traballamos con moita intensidade e ganas” explicaba a máis nova das burelistas, Sofía Vázquez, con moita participación e moi activa no triunfo do sábado pasado ante Cádiz Polideportivo FSF (6-1). “Sentinme moi a gusto e moi cómoda na pista. Espero dar máis de min en Móstoles" puntualizaba a ribadense, facendo fincapé no traballo da escuadra mariñá sobre “a defensa alta e a presión” para non conceder facilidades ao Móstoles.



A expedición laranxa partirá cara a Móstoles mañá ao mediodía, co regreso de Tai e Judith á convocatoria.



Convocatoria Pescados Rubén Burela FS: 1. Jozi, 3. Dany, 6. Cilene, 10. Lara, 12. Ana Romero, 13. Sara Correia, 14. Bea Mateos, 15. Judith, 16. Tai, 17. Sofía, 37. Julia Forsiuk




 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.