12/12/2017

Posta de gala do Futuro Laranxa 2017-18

Posta de gala do Futuro Laranxa 2017-18

Como non podía ser doutro xeito, o gran mausoleo burelista foi o escenario escollido para a presentación do Futuro Laranxa 2017-18. Estreando o mes de decebro, máis de 150 xogadores/as da base do Pescados Rubén Burela FS, de entre 3 e 21 anos, reuníronse no pavillón Vista Alegre para a súa posta de gala, acompañados de monitores, delegados e directiva, co deputado de Deportes de Lugo, Pablo Rivera, e o seu homólogo no Concello de Burela, Ramiro Fernández, como convidados de honra.



Cunha traxectoria de formación de base de máis dunha década, dende 2007-08, un total de 13 equipos configuran a estrutura de base 2017-18 do club mariñán, nas categorías de Biberón, Prebenxamín, Benxamín, Alevín, Infantil, Cadete e Xuvenil, ademais de Sénior Feminino. O  Futuro Laranxa compite actualmente en 5 ligas: Deporte Escolar en Benxamín, Alevín e Infantil, con 4 equipos; Liga Provincial Cadete; Liga Autonómica Alevín, Infantil, Cadete e Xuvenil; División de Honra Xuvenil RFEF e Primeira Galicia Sénior Feminina. Esta semana tamén se sumarán á ilusión da competición os 2 equipos máis pequenos, con Liga Biberón Galicia A Mariña Lucense-Fundación Imdecum e Liga Local Galicia Prebenxamín A Mariña Lucense-Fundación Imdecum.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.