10/02/2018

Máis de tres puntos

Máis de tres puntos
O Pescados Rubén Burela FS cumpriu cos tres puntos no derbi galego disputado esta tarde en Vista Alegre fronte a Prone Lugo (3-0) cunha xornada na que os resultados da zona alta empoleiran os de Juanma Marrube á segunda praza, empatados a 39 puntos con ElPozo.

Os laranxas tiveron que estrelarse unha e outra vez contra un rival que expuxo pouco con pelota e moito con defensa en media cancha, un encontro ao que os mariñáns non están afeitos. Ao monólogo burelista resistíuselle o luminoso ata o minuto 9 con diana de Colacha asistido por Luisma; antes intentárono Renato (minuto 5) e o propio Luisma (minuto 8). Un Prone envorcado na defensa protagonizou a súa primeira chegada con perigo no 16. No 18, Edu non tatexou ante Javaloy.

Non experimentou modificacións o guión inicial tras o descanso, con continuas chegadas dos da Mariña, aínda que sen a máis que merecida recompensa. Antes de cumprirse o minuto 35, Óscar Iglesias liderou o xogo de cinco para os de Lugo. Víctor, no 37, subiu o 2-0 en lanzamento directo de falta, co Chus no banco preparado como porteiro xogador. Contivo a iniciativa pronista Edu nos seguintes compases con apoio de Héctor en última instancia. Volveu poñer en pé á afección Víctor, en contragolpe, que cazou in extremis Óscar repregando. No 38, Edu salvou ante Porto a última posibilidade que tiña o visitante de meterse no partido. Entrando no último minuto, Renato selou o 3-0, o gol da tranquilidade para os de Juanma Marrube.

Ficha técnica

Pescados Rubén Burela FS: Edu, Hélder, Chus, Renato, Pope, cinco inicial; tambié xogaron Víctor, Luisma, Héctor, Colacha

Prone Lugo: Óscar Iglesias, Castilla, Porto, Manuel V., Adrián, cinco incial; tamén xogaron Crivi, Javaloy, Pablo, Samuel, Nazareno, Luis Carlos

Goles: 1-0, minuto 9, Colacha; 2-0, minuto 37, Víctor; 3-0, minuto 39, Renato

Árbitros: Menéndez Nistal // Vilas López (Galicia). Por Burela amarela a Chus (minuto 17), Renato (minuto 18). Por Prone amarela a Crivi (minuto 17), Javaloy (minuto 25), Manuel V. (minuto 37).

Incidencias: Partido correspondente á xornada 20 de Segunda LNFS, cuns 700 espectadores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.