18/06/2018

A dupla de Jozi e Ana Romero, aposta segura para a rede mariñá

A dupla de Jozi e Ana Romero, aposta segura para a rede mariñá
A rede mariñá non experimentará cambios na nova tempada. O Pescados Rubén Burela FS volverá apostar pola dupla de Joziane de Oliveira e Ana Romero.

A brasileira cumprirá así dez exercicios defendendo a portería laranxa; desde 2016 comparte responsabilidades coa murciana. Jozi e Ana súmanse á renovación da pichichi, Cilene. ”Traballamos nun proxecto de continuidade, mantendo gran parte do bloque e coa chegada de incorporacións de referencia contrastada”, explicaba o presidente burelista, Manuel Blanco, nos primeiros pasos do que será o Pescados Rubén de Primeira RFEF en 2018-19.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.