22/06/2018

Bea Mateos: 'Estou desexando operarme para comezar a recuperación canto antes'

Bea Mateos: 'Estou desexando operarme para comezar a recuperación canto antes'
A capitá Bea Mateos será outra das pezas na engrenaxe laranxa de 2018-19, aínda que o seu salto ás pistas non poderá coincidir co inicio de tempada. A final da Copa de España Cádiz pasoulle unha dolorosa factura á salmantina, con rotura de ligamento cruzado anterior, escordadura de ligamento lateral interno e rotura de menisco, aínda que todas as mostras de agarimo e ánimo axúdanlle a afrontar con ganas o proceso para reincorporarse ao conxunto.

“Estou desexando operarme para comezar a recuperación canto antes. A miña intención é poder volver en decembro para axudar ao equipo, aínda que son consciente de que hai que ir aos poucos, porque acelerar as cousas non serve de nada” aseguraba a 14 mariñá agradecendo todo o apoio recibido: “Desde ese domingo sentinme moi arroupada non só pola miña familia e a xente de Burela senón que tamén recibín moitas mensaxes de rivais. Isto sóbeme a moral para levar mellor os meses que me quedan por diante”, dicía Bea Mateos.

Coa ala-peche xa son cinco as renovacións do Pescados Rubén Burela FS, xunto a Cilene, Jozi, Ana Romero e Dany, como “un dos baluartes do vestiario achegando veteranía e liderado” puntualizaba Manuel Blanco, presidente do club.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.