06/10/2018

Posta de gala con tres puntos e liderado

Posta de gala con tres puntos e liderado
O Pescados Rubén Burela FS estreou a liga esta tarde en Vista Alegre con outra vitoria, e de novo portería a cero, tirando de oficio, malia as ausencias, para impoñerse a un novo na máxima categoría, AD Sala Zaragoza, que chegou á Bomboneira sen especular. Ás pupilas de Julio Delgado e Lucas chegoulles a primeira parte, para o 2-0, resultado que lles outorga o liderado, con 6 puntos e empatadas con Peny Esplugues.

Xa sen a posibilidade da estrea de Peque en Vista Alegre, lesionada na Coruña a semana pasada, comezaron con malas noticias as da Mariña; antes do segundo minuto de xogo Cami tivo que retirarse a pista, cunha máis que posible escordadura de xeonllo.

Intentaron dominar as burelistas fronte a un recentemente ascendido que se plantou na pista laranxa con valentía e atrevemento, aínda que pecou de falta de experiencia na finalización. No 13, Jenny dispuxo de dúas ocasións de ouro para adiantar as burelistas, a pase de Luci; a primeira, a porta baleira, fóiselle demasiado e non chegou por moi pouco á segunda. Pero dous minutos despois unha das caras novas, a internacional Cristina, estivo moi atenta para sentenciar fronte a Yarie co rexeite a tentativa de Cilene desde a banda. No 18, Lara Balseiro subiu o 2-0 de disparo afastado. Luci, a falta de 33 segundos para o descanso, dispuxo doutra moi boa.

Volveron ao parqué as burelistas dispostas a manter a renda, con cambio de Ana Romero por Jozi baixo paus. Dany e Cristina, antes do ecuador, dispuxeron dunhas das mellores ocasións fronte a un rival que viu minguada a súa proposta de xogo ante a ausencia de Rapha, por molestias.

A próxima semana tocará duelo con Móstoles, xornada na que Julio Delgado e Lucas poderán volver ao banco tras cumprir os dous partidos de sanción da expulsión na final de Copa de España Cádiz 2018.

Ficha técnica

Pescados Rubén Burela FS: Ana Romero, Dany, Cilene, Cami, Luci, cinco inicial; tamén xogaron Jenny, Lara Balseiro, Cristina, Cris, Jozi

AD Sala Zaragoza FS: Yarie, Jessica, Sarah, Boix, Rapha, cinco inicial; tamén xogaron Lioba, Martica, Rivera, Merino, Rocío,Tania

Goles: 1-0, minuto 15, Cristina; 2-0, minuto 18, Lara Balseiro

Árbitros: Castro Nantes // Sierra Márquez (Galicia). Por Burela amarela a Jozi (minuto 23), Dany (minuto 20). Por Zaragoza amarela para Jessica (minuto 20), Merino (minuto 24).

Incidencias: Partido correspondente á xornada 2 de Primeira RFEF disputado no pabellón Vista Alegre ante unhas 600 persoas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.