27/02/2019

A nutricionista Alba Vila e a burelista Ana Romero asesoran sobre alimentación infantil

A nutricionista Alba Vila e a burelista Ana Romero asesoran sobre alimentación infantil
A nutricionista mariñá Alba Vila estreou un ciclo de charlas sobre alimentación infantil dirixido aos centros escolares da Mariña que se prolongará ata final de curso, coa colaboración da porteira do Pescados Rubén Burela FS Ana Romero, graduada en Nutrición Humana e Dietética.

A escola infantil Galiña Azul de Foz foi o escenario escollido para inaugurar o devandito ciclo a semana pasada baixo o título “Sabemos o que comen os nosos fillos?” e na axenda das próximas semanas xa están pechados varios colexios da bisbarra. “Hai un gran problema de obesidade infantil no noso país. Un neno obeso converterase nun adulto enfermo e gran parte deste problema provén da falta de información sobre os produtos que a industria alimentaria dirixe a nenos e mesmo bebés. O noso obxectivo ata final de curso é chegar o máximo número de pais e nen@s da comarca” explicaba Alba Vila.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.