Oito burelistas no Nacional de León

Oito burelistas defenderán esta semana a Galicia Xuvenil no Campionato Nacional de Seleccións Autonómicas da CNFS, que se disputará en León (3-5 de maio). Serán seis xogadores, Aarón Artime, Domingos Xabier Pinto, Adilson Varela, Bruno García, Heuricksson Gomes e Renato Monteiro, xunto a Christian Fustes e Jairo Campo, no corpo técnico.

A expedición irmandiña partirá mañá pola mañá. Xunto a Castela e León, Cataluña e Galicia serán os combinados participantes nunha competición en formato de liguiñas; os pavillóns de Margarita Ramos, San Esteban e o Municipal de Deportes acollerán os encontros entre o venres pola tarde e o domingo, xornada de finais. Disputarase de forma paralela o Nacional Feminino Sénior.

Seguimento de encontros e resultados: www.cnfutbolsala.com