20/05/2019

Pescados Rubén Burela FS visita a fábrica de Coca-Cola na Coruña

Pescados Rubén Burela FS visita a fábrica de Coca-Cola na Coruña
Os equipos masculino e feminino de Pescados Rubén Burela FS visitaron hoxe a fábrica de Coca-Cola European Partners Iberia na Coruña.

Esta visita prodúcese tras o ascenso do equipo sénior masculino a 1ª División na Liga Nacional de Fútbol Sala, e os bos resultados que está obtendo o equipo feminino na recta final da Liga Foro 16 Feminismo, ademais da elección como sede da Copa de SM A Raíña que xogarán os 8 primeiros equipos da Liga, tres motivos de celebración para o Club.

Gema Domínguez, xestora de Comunicación en Galicia de Coca-Cola European Partners Iberia, acompañou durante a visita os equipos onde se explicaron, entre outros temas, o funcionamento da planta e o proceso de fabricación de diferentes produtos que Coca-Cola European Partners comercializa en España.

Tamén tiveron a ocasión de coñecer, de primeira man, a estratexia e compromiso de Coca-Cola coa sostibilidade, recollidos en “Avanzamos”, estratexia de sostibilidade conxunta de The Coca-Cola Company e Coca-Cola European Partners para Europa Occidental, e que se vertebra en seis áreas de actuación: bebidas, envases, sociedade, auga, clima e cadea de subministración.

A planta de Coca-Cola European Partners na Coruña iniciou a súa actividade en 1961. Coca-Cola European Partners en Iberia conta en Galicia con 5 sedes ademais da planta de produción. En total, atende a 21.100 puntos de venda aos que chega de xeito periódico e asesora comercialmente.

Sobre Coca-Cola European Partners

Coca-Cola European Partners plc (CCEP) é unha compañía líder en Europa no sector de gran consumo que produce, distribúe e comercializa unha ampla gama de bebidas non alcohólicas, e é o maior embotellador independente de Coca-Cola no mundo por ingresos.

Coca-Cola European Partners dá servizo a unha poboación de máis de 300 millóns de persoas en 13 países de Europa Occidental, que inclúe a España, Andorra, Portugal, Alemaña, Bélxica, Francia, Gran Bretaña, Holanda, Luxemburgo, Mónaco, Noruega, Islandia e Suecia. A Compañía cotiza nas bolsas de Euronext Ámsterdam, Nova York, Euronext Londres e nas bolsas españolas co ticker “CCE”.

España, Portugal e Andorra convértense na división ibérica do novo embotellador, cun persoal de máis de 4.400 empregados, 450.000 clientes e un total de 143 millóns de consumidores, dos que 85 millóns son turistas.

A división ibérica de CCEP comercializa 21 marcas diferentes con 110 produtos e máis de 270 referencias. Conta con oito fábricas de refrescos e distribúe auga mineral natural desde cinco mananciais.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.