05/06/2019

O ala Everton súmase ao Pescados Rubén

O ala Everton súmase ao Pescados Rubén
O ala Everton Luiz Ferreira Araújo formará parte do Pescados Rubén Burela FS en 2019-20. O brasileiro, procedente do Santiago Futsal, sumarase ao proxecto de Primeira, como segunda incorporación xunto ao ala lugués Álex Diz. “Cando me xurdiu a oportunidade non o dubidei nin un momento; estou seguro de que nos espera algo moi bonito neste novo proxecto” explicaba o novo laranxa.

Everton (Penha-Brasil, 1996) recalou nas filas do B. Juan Gil Jumilla FS en 2015 desde ElPozo Murcia e disputou as últimas dúas tempadas en terras galegas, cos composteláns, en Primeira e Segunda LNFS. Coa súa chegada, a estrutura laranxa engadirá un xogador máis con mocidade e proxección, con gol e potencia física.

O novo xogador laranxa, que se atopa de vacacións na súa terra natal, será presentado oficialmente ao seu regreso.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.