13/09/2019

Recoñecemento burelao ás Supercampioas

Recoñecemento burelao ás Supercampioas
O Pescados Rubén Burela FS foi recibido esta mañá no consistorio burelao en recoñecemento ao seu título máis recente, a Supercopa de España, conquistada hai unha semana en Las Rozas fronte ao Futsi Atlético Navalcarnero (2-6). O alcalde, Alfredo Llano, xunto ao concelleiro de Deportes, Ramiro Fernández, e a edila de Igualdade, Noelia María Ben, trasladaron ás Guerreiras Laranxas o sentimento de orgullo de todo o concello pola última xesta do equipo de Julio Delgado e Lucas, desexándolles ademais moita sorte na liga que arrincará mañá.

O cadro mariñán estivo arroupado no acto polo presidente, Manuel Blanco, e a vicepresidenta, Cesarina Fanego. Bea Mateos recolleu o obsequio municipal e agradeceu todas as mostras de agarimo e felicitacións recibidas ao longo destes días.

Homenaxe no Anxo Carro

O conxunto burelista ofrecerá os seus éxitos á Familia Albivermella este domingo, participando no saque de honra do partido de Segunda División entre o CD Lugo e Fuenlabrada (20.00 horas).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.