12 adestrador@s e 15 delegad@s coidan da Nosa Base

Os máis dos 150 nen@s que forman a base do Pescados Rubén Burela FS aprenden, fórmanse e gozan do fútbol sala no curso 2019-20 con 12 adestrador@s e 15 delegad@s.

O director da Escola Laranxa, Alfonso Mera, coida dos máis pequen@s, de 3 anos, na categoría Chupete. Pola súa banda o coordinador da base, Christian Fustes, adestra o equipo de División de Honra Xuvenil, con Samuel Basanta como delegado, e o Alevín A, de Liga Autonómica, con Mariela Paz e Jesús Rodríguez. Míchel Couceiro, técnico de portería de Primeira División Masculina, encárgase de Primeira Galicia Feminina, co apoio José Miguel Bolaños e Carlos González. Mario Pillado dirixe o Cadete, en Autonómica, con Manuel Rivas como delegado, e o Benxamín B, con Álvaro Gastón Trillo. O Infantil Feminino estréase na estrutura burelista con David Riveira, co apoio no banco de Xela Bernardo e a axuda de Francisco Javier Muñoz e Cándido Eijo, ademais tamén dirixe o Infantil Masculino, con José López. O Alevín B e C, en Deporte Escolar, adestran da man de Jairo Campo, coa colaboración de Jesús Rodríguez e Ángela García. Un dos técnicos de Primeira División Feminina, Iván Cao, forma o Benxamín A, con Carmelo Pernas. A categoría Prebenxamín aprende cos xogadores de Primeira Luisma e Bea Mateos, con Diego López. Xunto a Pablo Díaz, con David Rodríguez, incorpóranse en Biberóns Carlos Moreno como monitor e José Manuel González como delegado.

No presente curso, as Xoias Laranxas asolagarán o fútbol sala da Mariña, de Lugo e de Galicia cun todal 13 equipos que compoñen as 8 categorías, entre os 3 e os 18 anos, entre Chupete e Xuvenil, ademais de Primeira Galicia Feminina.

División de Honra, Autonómica, Deporte Escolar… A base burelista xa está gozando sobre as pistas de todas as competicións, agás das Ligas Biberón e Prebenxamín da RFGF e a Fundación Imdecum, que arrincarán a vindeira semana.