28/11/2019

Vista Alegre, de novo a facerse forte ante Jaén

Vista Alegre, de novo a facerse forte ante Jaén
O Pescados Rubén Burela FS recibe mañá, na xornada 11 de Primeira Masculina, a un duro rival da zona media-alta, Jaén Paraíso Interior, para seguir traballando a fortaleza de Vista Alegre. A cita arrincará ás 21.00 horas.

Os de Juanma Marrube esperan ao conxunto dos antigos laranxas Dani Rodríguez, Dani Martín e Chano, co propósito de dar continuidade ás dúas últimas xornadas no mausoleo mariñán: “Ata agora só puntuamos na casa. Da fortaleza, sobre todo na casa, depende o obxectivo marcado, a permanencia na categoría. Salvo con Valdepeñas, competimos ben en todos os partidos e mañá volveremos pelexar por sumar e conseguir os tres puntos” advertía o 6 burelista, Luisma, fronte a outro gran reto: “Sabemos que Jaén que é un rival forte, sólido, con moita experiencia e que concede moi poucas ocasións. Jaén fai moito dano con xogo con pivote, con tres ou catro referencias claras nesta posición; ten gran calidade individual e acerto en definición. Vai ser moi difícil, esa é a tónica da liga, e sabemos que aquí nos temos que facer máis fortes” reflexionaba o ala-pivote logroñés dun rival que se plantará na pista de Vista Alegre na sexta praza, nunha boa etapa, encadeando tres triunfos (5-3 con Aspil, 1-2 Palma e 4-1 Córdoba).

Luisma incide no bo traballo e na evolución paulatina do Pescados Rubén, apelando ao cambio de dinámica para empezar a medrar na clasificación. “A semana pasada non fomos inferiores ao Parrulo, pero ao final os nosos desacertos en ambas as áreas penalizáronos demasiado, outra vez. Niso temos que seguir traballando e mellorando para conseguir unha nova vitoria que nos permitiría achegarnos un pouco máis aos nosos rivais máis inmediatos”.

“Estamos confiados; no último mes e medio experimentamos unha evolución clara con respecto a principios de tempada. En Vista Alegre damos mellor a cara. A xente estanos axudando e pedimos que siga sendo así para poder avanzar xuntos” concluía o 6 laranxa.

O último adestramento está previsto para mañá ás 11.15 horas en Vista Alegre.

Convocatoria provisional Pescados Rubén Burela FS: 1. Edu, 2. Joselito, 4. Lucho, 6. Luisma, 7. R. Vargas, 9. Pitero, 10. Matamoros, 11. Juanfran; 12. Renato, 14. Pope, 20. Everton, 22. Álex Diz, 24. M. Kaluza

Convocatoria Jaén Paraíso Interior FS: 2. Mauricio, 5. Chano, 8. Campoy, 9. Víctor Montes, 10. Carlitos, 14. Alan Brandi, 16. Fabio, 19. Maico, 20. Fran Peña, 21. Míchel, 22. Gozi, 23. Piqueras

Kaluza, fronte a Serbia

O meta M. Kaluza poñerá novamente rumbo a Polonia

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.