05/02/2020

Cami: 'O equipo medrou esta tempada. Podemos pelexar por todos os títulos'

Cami: 'O equipo medrou esta tempada. Podemos pelexar por todos os títulos'
A última novidade laranxa é unha Guerreira coñecida. Tras seis meses no seu país por motivos académicos, a brasileira Camila Gadeia Silva (São Paulo, 1990) volverá defender o 8 do Pescados Rubén Burela FS, con máis ganas ca nunca. “O equipo medrou esta tempada, cun cadro máis amplo e completa. Creo que podemos pelexar por todos os títulos. Tiña ganas de volver e chego moi contenta. Quero axudar o equipo e poder volver xogar ben, recuperar a miña mellor versión, como acabei a tempada pasada, ou ata mellor”, así se mostraba Cami, xunto ao presidente, Manuel Blanco, e a vicepresidenta, Cesarina Fanego.

A peche traballa para estar ás ordes de Julio Delgado e Lucas: “Pablo, o preparador físico, e David, o fisioterapeuta, estanme axudando para estar ao máximo canto antes. Queda pouco para que poida volver estar á disposición dos adestradores, se así o estiman oportuno”, falaba así a Cami da súa recuperación de nocello tras a disputa e o título da Copa América co Brasil. “Tiven a oportunidade de vivir novas experiencias e seguir aprendendo no meu país durante estes meses co São José e co Brasil”, facía así balance a burelista do seu periplo recente sobre as pistas, lembrando a celebración de Copa de SM A Raíña, pero tamén lamentándose por non poder estar en Burela, para gozar do título de Supercopa de España. “Foi moi emocionante; vivino como afeccionada seguindo o partido pegada ao móbil”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.