12/02/2020

Rozando a xesta copeira

Rozando a xesta copeira
O Pescados Rubén Burela FS despídese da Copa do Rei rozando a xesta en cuartos nun desafío máximo ante o campión, FC Barcelona, e co Palau como escenario. Os pupilos de Juanma Marrube plantaron cara a un dos grandes nunha cita na que houbo de todo, ofrecendo rendemento e fortaleza sen complexos. A Alma Laranxa conseguiu adiantarse no luminoso e aguantou o empate na primeira parte; despois soubo como remar contra corrente remontando un 3-1 ante o xigante blaugrana forzando así a prórroga, aínda que a fortuna se esvaeu na rolda de penaltis. Agora toca a liga, non sen menos esixencia. Porque o demostraron e porque o merecen, os burelistas teñen que sentir a calor da Bomboneira máis ca nunca; este sábado Vista Alegre debe asolagarse de laranxa para brillar ante a visita de ElPozo Murcia (18.30 horas).

A maxia de Matamoros atopou recompensa xa no minuto 3, asistido por Renato. Tras a dobre intervención de Edu ante Lozano e Daniel no minuto 12, o conxunto galego apostou por xogo de cinco con Álex Diz con cesión a Mata. Igualou a contenda Marcenio no 15 e a esencia burelista soubo conter o seu torrente para conservar as táboas durante o primeiro acto.

Os todopoderosos tomaron a iniciativa no marcador tras o descanso, con vantaxe ata o 3-1 en tan só un minuto, roldando o 15, con Lozano tras saque de esquina e pouco despois Ximbinha. Responderon os do Mariskal con Joselito como porteiro xogador e atoparon o premio antes do ecuador deste acto, con Xande que cazou o rexeite de Diz tras primeira tentativa de Matamoros. A alianza entre o 15 brasileiro e o 10 de ouro desencadearon no empate, con 9 minutos aínda por diante e para forzar a prórroga e chegar aos penaltis. A final four escapou ante o pleno de acertos dos blaugranas.

Ficha técnica


FC Barcelona: Juanjo, Boyis, Joselito, Adolfo, Roger, cinco inicial; tamén xogaron Ximbinha, Marcenio, Lozano, Rivillos, Dyego, Daniel

Peixes Rubén Burela FS: Edu, Matamoros, Renato, Pixote, Álex Diz, cinco inicial; tamén xogaron Lucho, Joselito, Xande, Luisma, M. Kaluza

Goles: 0-1, minuto 3, Matamoros; 1-1, minuto 15, Marcenio; 2-1, minuto 25, Lozano; 3-1, minuto 26, Ximbinha; 3-2, minuto 29, Xande; 3-3, minuto 31, Matamoros

Penaltis: 0-1, Matamoros; 1-1, Boyis; 1-1, Renato; 2-1, Lozano; 2-2, Pixote; 3-2, Dyego

Árbitros: Por Barcelona amarela a Lozano, Joselito. Por Burela amarela para Renato, Matamoros

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.