Os camiños do Pescados Rubén Burela FS e do logroñés Luis Martínez Somalo, con contrato ata o 30 de xuño, separaranse despois de tres exercicios xuntos.

Veteranía, temperanza e sobre todo unha profesionalidade exemplar foron algunhas das contribucións do ala-pivote Luisma durante unha etapa na que o equipo mariñán soubo reconverterse para pelexar polo seu merecido regreso á elite e así gozar dunha das mellores ligas do mundo de novo.

Luisma, agradecemos o teu labor ao longo destes anos sobre a pista, non só como xogador senón tamén como parte da engrenaxe do profesorado da nosa escola. A sorte acompañarate en calquera proxecto que emprendas, sen dúbida!