03/08/2020

Bea Mateos renova unha tempada máis con Pescados Rubén

Trátase da súa oitava tempada no proxecto laranxa, na que seguirá no posto de ala-peche
Bea Mateos renova unha tempada máis con Pescados Rubén

Bea Mateos confirma a súa renovación co Pescados Rubén Burela FS. Trátase da súa oitava tempada no proxecto laranxa, na que seguirá no posto de ala-peche e disposta a levar ao seu equipo ó máis alto en 2020-21.

Afirma sentirse “orgullosa de competir con esta camiseta, con este escudo e moi contenta de formar parte un ano máis desta gran Familia Laranxa”. Por suposto móstrase desexosa de que entre todos poidan vivir moitos momentos felices co equipo.

No que respecta á posible presión engadida que poida vir con esta nova tempada, non ten dúbidas e mostra a súa confianza no equipo. “Estamos nun club feito para gañar, que compite por todos os títulos”. Isto lévaa a mostrar que non sente que haxa máis presión, aínda que agradece ter a oportunidade de estar nun equipo no que debe dalo todo para seguir no máis alto.

A súa seguridade no proxecto laranxa tamén a leva a ter grandes expectativas deportivas e mesmo ambicións para o equipo. “Oxalá que sexa un bo ano para nós, que podamos conseguir todos os títulos e poder competir ao máximo, ao cento por cento. Poder dar alegrías á familia Laranxa e conseguir que o pasen ben connosco”.

Por suposto, ademais de fortes esperanzas co equipo tamén quixo compartir unha mensaxe especial para apoiar a toda a xente de Burela que pasou por esta terrible situación coa pandemia. “Mandarlle unha mensaxe de ánimo a toda esa xente que perdeu a un familiar ou que o pasou moi mal. Moito ánimo para todas esas persoas”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.