Lara Balseiro renova unha tempada máis co Pescados Rubén
A vivirense Lara Balseiro mantén a súa aposta polo Pescados Rubén Burela FS unha tempada máis. Volverá poñer o toque mariñán no vestiario para o proxecto 2020-21 e móstrase impaciente por regresar á normalidade e manter no máis alto ao equipo.
A ala burelista é consciente de que o horizonte do equipo garda grandes retos, pero non oculta o seu orgullo por formar parte desta familia. “Sabemos que no Pescados Rubén Burela FS a esixencia sempre é a máxima e estamos obrigadas a dar o mellor de nós para gañar o maior número de títulos posibles”.
“Xogar no Burela é un privilexio e un soño, ao mesmo tempo ca unha gran responsabilidade” afirma a xogadora á vez que se mostra disposta a defender o escudo. “Estou moi agradecida pola oportunidade de vestir esta camiseta un ano máis”.
A pesar das ganas que a xogadora ten de volver ao campo e seguir gañando títulos para o seu equipo, tamén se mostra impaciente por poder saír da actual situación xerada polo covid. “Gustaríame mandar unha mensaxe de ánimo. A situación non está sendo doada para moitas familias. Con responsabilidade sairemos desta todos xuntos”.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
O ala-peche brasileiro, que aportará disciplina táctica, experiencia e continuidade en ataque, é a sexta incorporación do conxunto laranxa
O portugués, que procede do KS Eurobus Przemysl polaco, convértese na quinta fichaxe do conxunto preparado por David Rial
A ala-peche canteirá, que debutou na máxima categoría con 15 anos, regresa á Primeira Iberdrola “con moitas ganas e ilusión”