05/08/2020

Elena Aragón nova incorporación do Pescados Rubén

Elena incorpórase a Pescados Rubén con grandes esperanzas no que este lle pode achegar
Elena Aragón nova incorporación do Pescados Rubén

A andaluza Elena Aragón únese á Familia Laranxa. Formaliza a súa fichaxe e convértese na segunda novidade no proxecto 2020-21 de Pescados Rubén Burela FS, tendo moi claros os seus obxectivos co equipo.

Cunha espectacular traxectoria, Elena incorpórase a Pescados Rubén con grandes esperanzas no que este lle pode achegar. “Hai xogadoras con moitísima experiencia e calidade das que espero aprender. Ademais é un dos clubs destacados neste deporte e dos poucos que son profesionais, aquí poderei madurar tanto persoal como futbolisticamente”.

Coñecendo ás súas compañeiras polo momento só dos seus enfrontamentos na pista, a xogadora sabe perfectamente cal é a esixencia do seu novo club. “É un club competitivo que sempre quere gañar e conseguir títulos”.

Unha xogadora que durante a súa carreira demostrou moita clase e gran calidade, agora chega a Burela preparada para ofrecer a mellor versión de si mesma. Con ánimo e ganas de comezar, non dubida en compartir unha mensaxe para a afección: “Estou a desexar sentir pronto a calor da afección e poder responderlles dándoo todo e entregándome ao 200%. Esperemos que sexa un bo ano e podamos gozar todos xuntos do fútbol sala”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.