Tras as últimas emendas aplicadas ás Regras de Xogo do Fútbol sala por parte da FIFA, a Real Federación Española de Fútbol, no seu afán por explicar, de maneira detallada e por igual, as modificacións que entrarán en vigor neste inicio de competición, iniciou o pasado 1 de setembro unha serie de reunións telemáticas cos diferentes clubs e axentes nacionais interesados na súa aplicación e desenvolvemento.

O obxectivo principal destes encontros é unificar a interpretación das regras para o próximo curso deportivo

Deste xeito, a entidade, a través da Comisión Técnica Nacional de Árbitros de Fútbol sala, concluíu onte, 3 de setembro, os coloquios cos representates de Primeira e Segunda División Masculina . Durante a xornada, que continuou coas explicacións en base a unha presentación didáctica e visual, Pedro Galán, presidente do CTNAFS, fixo fincapé no segundo bloque de emendas que quedaron sen diseccionar na primeira reunión.

CONSULTA AQUÍ AS NOVIDADES DAS REGRAS DE XOGO


Está previsto que estes encontros, nos que se favorece ao intercambio de informacións grazas ás preguntas dos asistentes, se desenvolvan ao longo de todo o mes de setembro cos diferentes axentes implicados: clubs de Primeira e Segunda División Feminina, Asociación de Xogadores, Informadores Arbitrais, Responsables Territoriais, Seleccionadores Nacionais e Territoriais, clubs de Segunda División B e clubs xuvenís de División de Honra.