19/08/2015

Cara e cruz de puntería en Luarca

Cara e cruz de puntería en Luarca

O Burela FS Pescados Rubén cumpriu co seu primeiro compromiso de pretempada onte en Luarca cun triangular con cara e cruz de puntería laranxa.



A escuadra de Daniel Ibañes topouse con dous rivais acazapados; fronte a Occidente de Asturias o dominio reflectiuse á perfección no marcador, con dous tantos dun correctísimo Chino, adornados por un precioso disparo de Renato desde 30 metros, que sorprendeu o meta rival, en posición adiantada. Con Boal, os laranxas bateron contra a súa falta de acerto de cara á portería; o partido decantouse polos asturianos no último minuto, nunha xogada de estratexia en saque de falta desde a banda, que materializou Luisín.



O Boal, que tamén se impuxo ao conxunto de Occidente de Asturias no primeiro partido (3-1), alzouse co título.



Noia, de Segunda B, será o próxima rival dos mariñanos o sábado, 22 de agosto, na Fonsagrada (18.30 horas).



Burela FS 3-0 Occidente de Asturias



Burela FS Pescados Rubén: Álex, Iago Míguez, Chano, Chino e Jorge, cinco inicial; tamén xogaron Isi, Iago Rodríguez, Carlitos, Antoñito, Renato, Rubén, Daniel, Hélder



Occidente de Asturias: Luis Manuel, Tomás, Pedro, Isaac, Daniel Fernández, cinco inicial; tamén xogaron Malles, José Ramón, Abel, Valdés, Tino, Míchel, Héctor



Goles: 1-0, minuto 1, Chino; 2-0, minuto 13, Chino; 3-0, minuto 16, Renato



Burela FS 0-1 Boal



Burela FS Pescados Rubén: Edu, Iago Míguez, Isi, Iago Rodríguez, Chano, cinco inicial; tamén xogaron Renato, Jorge, Chino, Antoñito



Boal: Nono, Borja, Luisín, Adrián, Jonás, cinco inicial; tamén xogaron Israel, Adel, Javier, Juan, Iván, Samuel, Pirri



Goles: 0-1, minuto 20, Luisín



 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.