O Pescados Rubén, subcampión xuvenil do Burela Bonita

Insulares e mariñáns protagonizaron unha final rifada e emocionante na estrea da categoría xuvenil do Burela Bonita, cun máis que axustado 3-4 para o Palma Futsal.

Domingos, o capitán do Pescados Rubén Burela FS, devolveu as táboas ao marcador, no 13, tan só dous minutos logo de adiantarse o Palma. O maior perigo sobre a rede viviuse na recta final antes do descanso, dous minutos nos que Aarón volveu neutralizar a iniciativa dos visitantes e Domingos púxose por diante, con nova afronta de insulares. A fortuna deulles as costas aos laranxas, fronte a un rival que se agarrou ao electrónico co 3-4 no minuto 26. Os de Christian Fustes apostaron por xogo de cinco, acariñando o empate nos últimos compases.

A tarde empezou coa pelexa polo terceiro e cuarto posto, que caeu ao lado do Santiago Futsal nos penaltis, tras unha cita tamén moi igualada con EDM Concello de Guitiriz, que acabou con 4-4 no tempo regulamentario.